健康新知：分享都市人實用知識

真實情況

根據政府第三次全港人口健康調查(於2020至2022年時進行)，發現原來超重同肥胖既比例係達到22%同32.6%，對比2014至2015年時進行既人口健康調查上升左4.6%。除此之外，有51.9%既調查對象係有高膽固醇血症問題（即指血液中既膽固醇及三酸甘油酯含量超標)，明明市面上多左咁多健康有益既活動，點解香港人仲會出現呢個情況?

主要原因!?

根據調查指出，主要原因係香港人係運動上既時間唔多，同時食得唔夠多蔬菜。最重要係食煙飲酒睡眠不足既情況愈黎愈普遍，大大增加左患上心血管疾病既風險。調查同時指出，有40%既人係唔知自己有高血壓問題，當自己發現身體差左既時候，往往都已經太遲，最差既情況可能係糖尿病，中風或者心臟病等等既時候先知道。

點樣可以預防或者防止惡化??

首先，大家必須要了解自己現時既身體狀況，身體檢查當然係必不可少。了解到自己現時身體情況，同時再作出針對性既改善，先可以達致最佳既效果。相信好多人都會有疑問，香港生活環境咁繁忙又大壓力，即使知道自己身體情況唔太理想又可以點做?

自備午餐水果

相信大部分在學期間定係在職人士，午餐都要外出就餐，市面上既午餐都係多肉少菜，即使多菜少肉既套餐，都會被打上營養有機等等既標語去提高售價，同時生存壓力大既香港人當然都會比較少去買呢類高昂既營養餐。所以最好辦法就係自己自備水果，例如蘋果，橙或者香蕉等等既水果，方便携帶，又容易處理，根據衛生署既建議，每日最好進食兩份水果，上述既水果都已經佔據一份，自備水果絕對係一個改善身體既良好習慣。

適當運動量

相信大家都會覺得生活太繁忙，根本冇時間做運動。根據衛生署指出每星期最好每三日去進行150分鐘既中強度運動（急步行走、平地慢速踩單車、乒乓球及輕鬆游水等）或者75分鐘劇烈既帶氧運動（行山，跳繩，跑步或者快速游水等）。以中強度運動去計算，佔用時間都只係一星期既1%，再平均攤分三日，每日都只係50分鐘。相信大家可以晚飯後，或者放工後以急步既速度及行較遠路程既方向翻屋企，好簡單就完成上面既中強度要求，如果初階段，可以減少進行時間比身體去適應，相信再繁忙既生活都可以完成。

遠離不良習慣

食煙飲酒睡眠不足亦係大部分香港人擁有既不良嗜好，同時相信好難完完全全可以戒除，當然可以戒除固然係好，但都可以發掘唔同活動去代替呢啲唔好既生活習慣，當你花費更多時間係其他活動上，你就減少左時間去接觸呢啲不良嗜好，減少頻率一定比繼續維持好。就以行山為例，衛生署指出，行山有增強心肺功能，有助控制血壓，膽固醇及血脂同舒緩壓力等等既益處。

總結

即使再繁忙既生活，要建立健康既生活習慣並唔困難，困難係在於改變。

如果真係太過繁忙而無辦法去建立健康既生活習慣都唔緊要，我地Alps Vital都有唔同既保健品係可以提供不同既維他命及營養。最重要我地既產品都擁有多項世界級認證；大家都可以食得安心啦！

資料來源

衛生署；二零二零至二零二二年度人口健康調查報告書（第二部）（https://www.chp.gov.hk/files/pdf/dh_phs_2020-22_part_2_report_chi_rectified.pdf）

衛生署；健康資訊（https://www.chp.gov.hk/tc/static/100010.html）

衛生署；運動處方（https://www.chp.gov.hk/archive/epp/tc/indexe585.html?MenuID=9）

衛生署；優質健行（https://www.lcsd.gov.hk/tc/healthy/qualiwalk.html）

究竟咩係骨質疏鬆症？

骨質疏鬆係一種慢性有骨骼新陳代謝病，簡單講就係骨質既密度減少，慢慢變當脆弱，容易出現骨折情況。

香港骨質疏鬆症現況！

根據特區政府統計下全港大約有55萬人口係患有骨質疏鬆症，已經差唔多去到十分之一既人口都有呢一個病，都算相當嚴重既一個情況。當然人口老化亦係呢個病既佔率比較高既原因，但究竟係咪冇辦法去預防或者阻止？我地等等再係下面詳細講解啦。

點先知自己係唔係高危一族？

根衛生署指出，長者、女性，體重過輕或者骨架細小既人都會存在較高風險患上骨質疏鬆症。除此之外，有偏食習慣、吸煙、酗酒、飲太多含有咖啡因既飲品、鈉攝取過多同埋缺乏運動既人都會容易中招。我相信大部分香港人都會有係符合幾個高危條件，例如偏食，飲太多咖啡因呀或者缺乏運動等等，都係香港繁忙生活導致。

點樣發現自己係唔係骨質疏鬆？

骨質疏鬆本身係冇咩症狀可言，但如果輕微既碰撞或者跌親都造成骨折既時候，咁就要好好留意。另外如果脊椎骨會慢慢向下彎，好似彎腰動作咁，但又冇經歷過任何碰撞而造成呢個下彎既話，都係好大可能係骨質疏鬆。

點先可以防止骨質疏鬆？

相信睇到高危一族既內文，大概都知道點樣可以防止骨質疏鬆。我係下面大概講解下點樣防止啦

充足既鈣質同維他命D吸收

鈣質同維他命D都係有助骨質密度提升，但都千祈唔好忽略其他營養既吸收，以免其他身體問題出現。如果想補充多啲鈣質或者維他命D，建議進食以下食物啦！

奶類：低脂或脫脂等奶製品

海產類：沙甸魚、蝦米及銀魚乾等

豆製品：豆腐、豆漿及腐竹等豆製品，當然最好避免含糖或者經油炸既處理

蔬菜類：菜心、白菜、西蘭花及芥蘭等菜類都含有豐富既鈣質

水果類：橙及無花果為主。

但都要注意，如果對以上食物真係冇興趣，或者因為工作繁忙而別無選擇既話，保健產品當然都係另一個補充鈣質既來源之一，但使用前當然最好先查詢合資格人士先啦！

保持運動習慣

多做負重運動，已經有研究指出每日進行最少30分鐘體能活動係有助身體健康，同時亦有助改善自己既新陳代謝，保持適當體重，仲可以令自己更容易吸收營養。

避免不良嗜好

最好避免吸煙、飲酒過量及經常飲用含有咖啡因既飲品，同時有充足休息，可以比身體多啲休養，減低身體負擔。

如果懷疑自己有骨質疏鬆，可以點？

唔好怠慢，即刻搵醫生做個詳細檢查，唔係拖延到身體出現問題先去預防，唔係到時可能會太遲。

總結

一般而言，以香港人既繁忙生活底下，係難以避免上述所提及既風險，但都希望大家盡量保持自己既身體健康，遠離不良嗜好啦。

我地Alps Vital而家都有一款產品，「Swiss Energy® - 瑞士補鈣健骨納米膠囊」係除左包含鈣質同維他命D外，仲包含維他命K2，有助保持血管及心臟添。同時由瑞士製造同時納米膠囊技術有助更好吸收呢啲營養既同時唔會造成傷胃，唔包含任何副作用架。最重要我地呢款產品係有9項世界級認證，美國FDA，瑞士醫藥認證，瑞士生物認證，有機/生物認證，英國BRC認證，歐洲iFS認證，GMP，HACCP，ISO 22000證書；大家可以食得安心啦！

資料來源

家庭健康服務 - 婦女與骨質疏鬆症 (fhs.gov.hk)

懷孕時期，好多人都好奇究竟需唔需要食保健品，食左好似對BB好啲咁。其實答案係唔一定要，根據衛生署既指引，懷孕期間有攝取足夠既營養，保持飲食均衡就可以。

咁懷孕期間有咩營養特別需要！？

以下食品及資訊介紹為衛生署（懷孕及哺乳期的健康飲食）提供

懷孕初期

根據衛生署指出，懷孕首十三周，對葉酸、碘及維他命A係比較重要

而中期，即第十四至四十周，除左上述既營養之外，熱量、蛋白質、鐵、鋅、Omega 3脂肪酸及鈣質都係必要所需。

咁到底呢啲營養有咩好處，同埋可以係邊吸收！？

葉酸

葉酸有助防止貧血及患上先生腦部或脊椎發育異常等缺陷既作用

攝取途徑

主要可以進食綠色菜類、豆類、水果、肝臟及花生等補充葉酸

維他命A

維他命A有助視力發展，除此之外，對正常成長及免疫系統都係不可缺少既一部分，但同時都要注意，過量既維他命A亦有可能導致胎兒出現缺陷。

攝取途徑

紅色及黃色既水果或者深黃色既蔬菜都係維他命A既主要來源，例如車厘茄、紅蘿蔔、南瓜或者蕃薯等等，同時適量既雞蛋同牛奶都有助滿足自身同BB所需。

碘

碘係維持人體新陳代謝及甲狀線功能既必要礦物質，同時亦係對嬰兒腦部發展既必要元素。但係都係要注意攝取份量，唔係就會對自己既甲狀線出現影響（俗稱大頸泡）。

攝取途徑

海魚、海蝦、蠔、雞蛋、牛奶及紫菜等等都係碘既主要來源，尤其紫菜含有既碘係比較豐富。推薦食譜為清蒸海蝦，去蝦腸後簡單蒸煮10-20分鐘，方便烹調。

鐵質

鐵質都係必要元素之一，有助保障胎兒生長及腦部發展，同時亦有預防令媽媽減低忠上貧血既機會。

攝取途徑

一般肉類都含有鐵質，例如魚、家禽、海鮮、紅肉等等，而且深綠色既蔬菜如菜心、芥菜、白菜、菠菜及西蘭花等等都含有鐵質。推薦食譜為牛肉炒菜心，以少量蠔油調味，不失營養又美味佳宜。

維他命C

維他命C有助增強自身免疫力同時亦有助吸收食物中既鐵質

攝取途徑

一般新鮮蔬菜或者水果都含有維他命C，有吸收上述營養，正常都有足夠既維他命C。

鈣質

鈣質主要構成骨骼及牙齒既基本元素，如果攝取不足，好大機會導致早產及妊娠高血壓等風險。

攝取途徑

可以食用芝士及乳酪（低脂），或者進食深綠色葉菜如菜心、白菜、豆腐、蝦米魚乾等食品。推薦菜單可以以白菜豆腐及蝦米加入雞湯煲煮，味道豐富而不失營養。

Omega 3脂肪酸

Omega 3脂肪酸分為DHA及EPA兩種，DHA主要有助腦部及視力發展

攝取途徑

主要來源為三文魚、沙甸魚、黃花魚、紅衫魚、秋刀魚及䱽魚等魚類都含有豐富既DHA，同時亞麻籽、合桃或者芥花籽油當中既α-亞麻酸亦可以轉化為DHA

總結

一般孕婦如果飲食均衡，係無需使用保健品去補充身體缺乏既營養，但係有部分營養來源都係有一定既潛在風險，例如魚類既營養來源，因為環境污染問題，魚類容易含有水銀，會影響胎兒既神經系統，所以作為媽媽必須注意！同時飲食喜好絕對會影響營養均衡，相信各位媽媽都會唔鍾意食既食物，亦相信好難可以一時三刻去改變，所以保健品絕對係一個好既代替品去補充翻呢啲營養。

我地Alps Vital而家都有一款產品，「Swiss Energy - 瑞士孕婦專用產前多維礦物質納米膠囊」係包含以上大部分營養所需，如各種維他命，葉酸，各種礦物質等既營養，由瑞士製造同時納米膠囊技術有助更好吸收呢啲營養既同時唔會造成傷胃，唔包含任何副作用架。最重要我地呢款產品係有9項世界級認證，美國FDA，瑞士醫藥認證，瑞士生物認證，有機/生物認證，英國BRC認證，歐洲iFS認證，GMP，HACCP，ISO 22000證書；大家可以食得安心啦！

資料來源

家庭健康服務 - 懷孕及哺乳期的健康飲食 (fhs.gov.hk)

香港人近視情況

自從智能電話面世，相信大部分香港人都係機不離手，同時有一個危機已經慢慢迫近而大家都冇察覺到！據香港眼科協會於2019年指出，香港成年人近視比例屬於全球最高。

同時間協會亦為約13,559名小朋友進行眼部檢查，發現4歲至9歲既小朋友近視比率由7.7%升至44.5%，短短三年升近3倍，並指出相信都係同升讀小學有關。

當然唔係咁簡單，根據衛生署於2019年所發出既刊物「成長數碼化：兒童使用屏幕媒體概況」指出，短短5年時間，已經有13%既小朋友每日平均會用3小時或以上去上網，呢種習慣好大機會都係媽咪既「電子奶嘴」後遺症。如果再係咁落去，正如任卓昇醫生於2019年於「Public Education Event 2019」所引申既國際報告一樣，2050年應該會有接近一半人口會患有近視!!

近視姐，帶眼鏡咪得！？

按照衛生署「學生健康服務」既刊物已經指出，眼鏡只能夠矯正視力，即係一般所講”睇得清楚翻”，但係唔能夠將近視醫好甚至阻止近視既加劇，所以大家唔好諗住帶眼鏡就一定冇問題。

近視冇咩大不了？

的而且確近視係最多令人睇野唔清楚，但近視係有機會引致出其他更嚴重既疾病，正如香港眼科學會會長葉佩珮醫生已經指出過，深近視係令眼球拉長，好大機會會出現視網膜裂孔甚至脫落，亦都有機會引致黃斑病變、青光眼及白內障等眼疾，最嚴重可能會失明。所以大家千祈唔好忽視眼睛既健康。

點樣防範近視加深？

按照衛生署「學生健康服務」既刊物上，有提供以下建議

使用眼睛上要有良好既習慣

• 眼睛距離書本最少要有30厘米。
• 唔好係床上面閱讀，以免書本與眼睛太貼近。
• 需要有充足光線下閱讀。
• 眼睛需要定時休息，尤其使用電子屏幕超過20-30分鐘後。
• 貶眼訓練眼部肌肉。
• 使用電子產品時要有適當距離。
• 減低電子產品使用時間，尤其青少年階段，每日唔好超過2小時。
• 12至18歲青少年應盡量避免長時間面對屏幕 。

燈光要均勻舒適 

• 燈光要均勻舒適， 有要有充足既光線，唔可以太過刺眼。
• 如果使用檯燈時，應避免燈光直接照入眼睛。
• 睇電視時，記得要有充足既燈光。

印刷品的字體要優質 

• 質素差既印刷品容易產生眼睛疲勞。同時字體要大小合適，分段及行距亦要清楚舒適。
• 紙質千祈唔可以係反光紙，因為會有眩光感產生，長時間閱讀會加劇眼睛疲勞。
• 紙張顏色都要慎重，最緊要唔好啲字要”用力”去睇先睇到！

定 期 視 力 檢 查 ， 有 需 要 時 配 戴 眼 鏡

• 每年都應該去進行一次眼科做檢查，有咩問題都可以及時醫治同預防。

有咩營養對眼睛有幫助？

當然有，除左良好既習慣，適當既營養都好緊要例如以下營養都係唔可以缺少：

 葉黃素

有助抗氧化作用，可以預防白內障及部分視力問題，如果長期服用仲可以改善黃班病變同視力減退等問題。呢種營養素主要喺菠菜或者羽衣甘籃裡面搵到。(來源：葉黃素， Hello 醫師；W.R. Su，網站編輯)

 花青素

多數出現係藍莓，車厘子同提子等等生果裡面，花青素係有助改善眼睛疲勞同提升視力既作用，而且同時都有助預防糖尿病視網膜病變或者因老化而發生既白內障等疾病。(來源：花青素是什麼？有何好處？超詳解花青素4大功效！花青素12大食物排行一次看, Hello 醫師；張凱安，網站編輯)

 玉米黃素

玉米黃素存在於杞子，黃椒及蛋黃等等食物入面，都係一種可以預化黃班病變既營養素之一。（來源：DHA、EPA是什麼？解析功效、差異與副作用，營養師帶你吃出健康, VitaBox；保健食品顧問Maggie）

 DHA

有助改善乾眼問題，同時間亦有預防乾眼作用。除此之外，都有助抵抗癡呆或者認知功能衰退等問題。DHA主要都係深海魚類身上存在既。（來源：玉米黃素、葉黃素差在哪？解析3大功效與吃法，掌握晶亮健康關鍵，VitaBox；生物醫學家Samuel）

 鋅

有體內抗氧化功能，同時亦有參與視網膜視色素既形成，如果攝取唔夠，有機會造成夜盲症！同時鋅都有助減慢黃班病變既速度，改善翻視力。呢種營養素主要存在於堅果，蠔，牛肉等食物上。（來源：鋅也能護眼！醫揭6種護眼營養祕方 這1種降低白內障、黃斑部病變風險，健康2.0；朱育嫻）

我地Alps Vital而家都有一款產品，「Swiss Energy - 瑞士護眼抗氧化納米膠囊 (30粒裝)」係包含以上大部分營養所需，同時佢既納米膠囊技術有助更好吸收呢啲營養既同時唔會造成傷胃，仲要唔包含副作用架。最重要我地呢款產品係有9項世界級認證，美國FDA，瑞士醫藥認證，瑞士生物認證，有機/生物認證，英國BRC認證，歐洲iFS認證，GMP，HACCP，ISO 22000證書；大家可以食得安心啦！

#眼部健康 #近視 #花青素 #葉黃素 #玉米黃素 #鋅 #DHA #藍莓素 #納米膠囊 #抗氧化 #瑞士製造 #國際認證 #Alps Vital #Swiss Energy

(資料來源)

玉米黃素、葉黃素差在哪？解析3大功效與吃法，掌握晶亮健康關鍵 (vitabox.com.tw)

DHA、EPA是什麼？解析功效、差異與副作用，營養師帶你吃出健康 (vitabox.com.tw)

鋅也能護眼！醫揭6種護眼營養祕方 這1種降低白內障、黃斑部病變風險|OMEGA－3|葉黃素|玉米黃素｜健康2.0 (tvbs.com.tw)

花青素是什麼？有何好處？超詳解花青素4大功效！花青素12大食物排行一次看 - Hello 醫師 (helloyishi.com.tw)

葉黃素 ：用途功效、潛在的副作用與注意事項 - Hello 醫師 (helloyishi.com.tw)

衛生署「學生健康服務」，(https://www.studenthealth.gov.hk/tc_chi/resources/resources_bl/files/myopia.pdf)

「非傳染病直擊」，(https://www.chp.gov.hk/files/pdf/ncd_watch_march_2019_chin.pdf)

Public Education Event 2019 ，(http://www.hkos.org.hk/?section=Top&id=72)

維他命係人體所需既一種微量營養，而且分為水溶性同脂溶性兩種。

佢地對於維持身體正常功能同健康非常重要。點解重要，以下會講解維他命有咩用處！

水溶性維他命包括維他命B群同維他命C，呢啲維他命唔會係體內累積，會透過身體代謝排出體外。而且水溶性維他命對於身體正常代謝過程同能量產生都有至關作用，例如維他命B12可以有助紅血球形成，維他命C可以增強免疫系統同促進鐵既吸收。

而脂溶性維他命包括維他命A、維他命D、維他命E和維他命K，呢啲維他命可以係體內脂肪中積存。脂溶性既維他命對於身體正常發育、生長、骨骼健康、視力及免疫系統功能都係有非常重要作用。

咁缺乏維他命又會點呢？

缺乏維他命C可能會導致有壞血病既出現、牙齒鬆動、牙齦出血、皮膚瘀斑同貧血等健康問題。

缺乏維他命D可能會導致骨質疏鬆，而且維他命D同免疫系統及心臟健康都有關聯，所以都唔可以忽視。

缺乏維他命B12可能會導致貧血、神經系統問題、認知功能下降及抑鬱等等。而且維他命B12係紅血球生成必需既一部分，而且對於神經系統功能及DNA合成至關重要。

大家都要補充足夠既維他命，有健康既身體先會有健康既生活架。

L-左旋肉鹼呢排咁流行，等我同大家講下佢有咩作用啦。L-Carnitine喺一種天然存在於人體內嘅氨基酸衍生物，主要作用喺促進脂肪酸嘅運輸及代謝等。佢會於能量產生過程中起到關鍵作用，尤其喺脂肪酸氧化過程入面。

以下喺L-肉鹼嘅幾個主要作用：

1. 促進脂肪酸代謝：L-肉鹼有助於將長鏈脂肪酸運輸到細胞內嘅粒線體中進行氧化，從而產生能量。咁在於運動表現及減少體內脂肪儲存都有重要作用。
2. 增加運動能力：L-左旋肉鹼可以有助減少運動時產生嘅乳酸，從而減低肌肉疲勞及疼痛。除此之外，佢仲可以提高運動生理能力，例如增強你嘅耐力同運動表現。
3. 對心臟健康嘅益處：L-左旋肉鹼對心臟健康具有保護作用，因為佢可以改善心臟嘅能量代謝，並幫助降低心血管疾病嘅風險。
4. 促進認知功能：有部分研究表明，L-左旋肉鹼可能對認知功能有幫助，尤其同衰老相關嘅認知衰退。
5. 抗氧化作用：L-左旋肉鹼具有抗氧化作用，可以幫助減少自由基對細胞嘅損害，從而減低氧化應激及炎症。

各位考慮補充L-肉鹼之前，建議先與醫生或者營養專家諮詢。

＃Swiss Energy #L-左旋肉鹼 #瘦身 #抗氧化 #水溶片